RETRATOS DA COSTA DA MORTE. RAMÓN CAAMAÑO

IMG_0494b.jpg

FOTOGRAFÍAS: Ramón Caamaño.

TEXTO  e SELECCIÓN. Manuel Sendón e X.L Suárez Canal

DATOS: Pasta dura, 96 páxinas

ISBN:84-87882-18-8

PREZO: 12 euros

Ramón Caamaño nace en 1908 en Muxía e iníciase na fotografía na década dos vinte, desenvolvendo o seu labor fotográfico nas diferentes vilas e aldeas da Costa da Morte.

A súa fotografía, como a dos demais fotógrafos rurais, caracterízase por unha total austeridade, como pon de manifesto o chan de terra dos seus retratos, cuberto ás veces por unha farrapeira, combinado con diferentes fondos que varían durante os vinte anos que abrangue este libro. Así comeza cun telón que era o resultado de unir tres panos e posteriormente usa outros que foi mercando e nos que se reproducen ambientes burgueses como o interior ou o exterior de pazos, alternando, nos anos corenta, con colchas que cumprían a mesma función.

Estes retratos son a confluencia entre a vontade da persoa fotografada, que se vestía coas súas mellores galas, e doutra parte da vontade do fotógrafo como director de escena que impuña os seus criterios controlando ata os mínimos detalles. A disposición central dos suxeitos, o estaticismo, a ausencia de sofisticación, a frontalidade, o hieratismo, a mirada directa son características xerais dos retratos, que contrastan coa estética máis sofisticada dos estudios das cidades.

Esta publicación pretende ser unha revisión, dende unha sensibilidade contemporánea, dos retratos realizados por Ramón Caamaño entre finais dos anos vinte e finais dos anos corenta, escolmando as imaxes que consideramos de meirande interese dende o punto de vista da investigación visual, e non soamente dende perspectivas antropolóxicas, sociolóxicas e históricas, malia resultaren tamén interesantes. Estas imaxes propoñen unha reflexión sobre a natureza do retrato e a súa función, sobre o significado que tiña naquel contexto o acto fotográfico e dun xeito particular sobre a relación que se establecía entre o suxeito, o fotógrafo e a cámara.

Manuel Sendón
X.L. Suárez Canal

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s